Како Бог одговара на нашите молби и барања?

Како Бог одговара на нашите молби и барања?

Нашата свест не е достојна да го свати Бог, неговото дејствување и неговите манифестации. Но бог е милостлив, доследен и правичен, и секому дава она што му треба и заслужува. А дали сме свесни за тоа?. Дали сме помислиле дека сепак сме го добиле тоа што сме го барале?. Најчесто не сме свесни дека нашите желби се обистиниле, па неправедно го обвинуваме Бог, или почнуваме да се сомневаме во неговото постоење.

Ние имаме право на сопствен избор, но за секој вистински избор мораме да имаме и вистински информации. Правата информација е клуч на успехот за секој наш избор во животот.

Животниот тек не става пред многу дилеми, пред многу раскрсници и пред многу шанси кои несвесно сме ги пропуштиле поради неправилни или нецелосни информации. Да не дозволуваме да бидеме манипулирани, да се посветиме на сопственото изградување, да учиме од сопствените и туѓите искуства, и да го направиме вистинскиот избор.

Еве неколку мудри мисли кои ќе ни помогнат да решиме некои наши дилеми и ќе ја зајакнат нашата доверба во Бог:

Барав Сила.........  и Бог ми даде Потешкотии кои ме зајакнаа...

Барав Мудрост.... и Бог ми даде Проблеми кои требаше да ги решам...
Барав Богатство..и Бог ми даде Здравје и Ум, да можам да работам (а можеби и среќа?)
Барав Храброст...и Бог ми даде Препреки кои морав да ги совладам...
Барав Љубов......  и Бог ми даде Луѓе на кои требаше да им помогнам......
Барав Услуги......   и Бог ми даде Шанси...

„Не добив ништо од она што барав,но добив се што ми требаше.„

Заклучок: Дадените можности треба да ги препознаеме, да се ангажираме за да ги реализираме, и ќе го добиеме она што го бараме. Да се потсетиме и на онаа народната: „МРДНИ ЗА ДА ТИ ПОМОГНАМ“.

СУШТИНАТА на ПОВИСОКИ ФОРМИ НА СВЕСТ

                                                                          СУШТИНАТА на ПОВИСОКИ ФОРМИ НА СВЕСТ

Вовед:
Бог е единствена реалност, и секогаш во состојба на постоење и состојба на манифестирање. Основна манифестација на Бог е Божествената Свест која се препознава низ безброј процеси, меѓу кои е и Процесот на Индивидуализација на Свеста. Тоа е процес на самопрепознавање на индивидуалната свест преку созревање, а тоа всушност е и постепена хармонизација со Повисоките Форми на Свест -  до Божествената Свест (која е највисока форма на свест)
Ова интерактивно духовно изградување започнува во моментот на првото краткотрајно влевање на Индивидуалната Свест во Вишите облици на свеста. Со понатамошниот развој и созревање, ваквата интеракција се повторува се почесто, состојбата трае подолго, и на крај се постигнува трајна состојба на Еднаквост или меѓусебно поистоветување (но Индивидуалната Свест не ја губи својата индивидуалност).
Значи, во моментот на зачетокот се иницира и се манифестира Индивидуална Свест, која како поединечен процес, може да се дефинира во дадено ВРЕМЕ и ПРОСТОР. Од тој момент, почнува процесот на индивидуализација на свеста и хармонизирање со повисоките форми на свест. Свеста, во својот развоен процес, се манифестира низ три облици или нивоа: ниво на СВЕСТА, ниво на ВИБРАЦИЈА и ЕНЕРГИЈА и ниво на МАТЕРИЈА.

1. Ниво на Свеста

Веќе спомнавме дека Свеста од својот почеток како Индивидуална свест, преку процесот на Индивидуализација на свеста, достигнува Повисоки Форми на свест - се до Највисоката Свест или Бесконечната Божествена свест. Бесконечната свест, тешко може да се објасни со нашето ниво на свест. Нашиот ум функционира по начелото на дуалност (или парови на спротивности): позитивно-негативно, добро-лошо, горе-долу, лево-десно, ...итн. На пример, на ниво на умот, човекот ја изразува и доживува љубовта како желба да се живее со некого, да се припаѓа на некого, како потреба да се биде приврзан за некого, да се биде сакан и да се сака....Всушност, во прашање се односи кои подразбираат најмалку два субјекта, додека пак на нивото на Бесконечната свест Лубовта нема две страни и неможе да биде исполнета или неисполнета, возвратена или невозвратена, поголема или помала, а со тоа и не може да се доживее како лична,субјективна Љубов према некого. Единствено што можеме е таа Бесконечна Љубов да ја освестиме, да бидеме Едно со Неа. Ваквата состојба не можеме да ја опишеме на ова ниво на свест.
Развојот на свеста е процес, а процесите ги покренува умот (преку мислите и емоциите). Умот е тој кој „донесува одлука“ дали е нешто позитивно или негативно, но него на повисоко ниво на Свеста - го нема (но Индивидуалната свест на Повисо ниво на Свеста си ја задржува својата индивидуалност).

2. Ниво Вибрации-Енергии

Човекот претставува спој на различни форми на свест, вибрации со различни фреквенции, енергетски потенцијали со различен интензитет и капацитет, и материја од кое е изградено човековото тело.
Нивото на Вибрации-Енергии се манифестира во неколку појавни форми: Умот, Светлечкото тело, Душата и Аурата.  Умот е специфична вибраторно-енергетска творба, тој е спона помеѓу Свеста и Материјата и е основен инструмент преку кого се остварува процесот на индивидуализација на Свеста. Веќе рековме дека во моментот на зачетокот се иницира и се манифестира Индивидуална Свест, но истовремено започнува и конституирањето на Умот, Душата и Светлечкото тело, а се создаваат и предиспозиции за покасно формирање на Аурата (по околу 28 дена после зачетокот).
Умот управува со сите енергетски процеси, а со тоа и другите процеси во физичкото тело. Позитивните или негативните содржини на умот, позитивно или негативно делуваат на нервниот систем, а со тоа и на функциите на подсистемите, како што се имунолошкиот, кардиоваскуларниот, лимфниот, системот за варење и сл. Созревањето на умот, како резултат на ускладување на вибрациите на емоциите и мислите со Свеста , доведува до ускладување на сите процеси во човекот, а во спротивно - се нарушува складот и се појавуваат болестите. Од друг аспект, манифестациите на умот се врска со Процесот на индивидуализација на Свеста, и како такви најмногу влијаат на формирањето на повисока форма на свест.

3. Ниво на Материја

Манифестирањето на Индивидуализација на свеста на ниво на Материја се одвива преку физичкото тело. Материјата и Енергијата се две појавни форми на иста стварност, а разликата е во нивната густина и фреквенцијата на нивната вибрација. Формата на човекот е оптимална за манифестација на процесот на индивидуализација на Свеста. Преку ускладувањето на вибрациите на емоциите и мислите со Свеста, се создаваат услови за здраво физичко тело - се ускладуваат сите процеси во човекот и се постигнува хармонизација на телесниот и духовниот развој.
____________________________________________________________________
Фактори кои негативно влијаат на Реализацијата на Повисоките форми на Свест

1. Негативни емоции и мисли (сопствени и туѓи). 
   Нивното влијание зависи од:
      - менталниот склоп на личноста (карактер, интелигенција, ниво на знаење и сл.)
      - должината на мозочните бранови од негативни чувства и мисли ( пониските мозочни  бранови се и повеќе штетни)
      - степен на ангажираност на мислите и чувствата
      - должината на траењето на штетните мисли и чувства
      - емоционална интелигенција ( мноштво емоции, нивната стреденост и изграденост, емпатија и сл.)
      - односот помеѓу Свеста и Подсвеста, и можноста за делумна контрола на подсвеста
      - штетни психички состојби: Стрес, Страв, Тага, Незадоволство, Лутина, Омраза, Кривица, Депресија...
2. Геопатолошки зрачења (предизвикуваат различни пореметувања на равнотежата на енергијата во поедини органи)
3. Негативни апстрактни зрачења (на посебни предмети и места, а предизвикани само од човек).
Луѓето, најчесто несвесно, предизвикуваат негативни мисли и чувства и ги шират и пренесуваат околу себе како негативни штетни вибрации и енергии. Врзувајќи се за поодделни простории (зидови, куќи, згради...), или за предмети (накит, слики...), овие енергетски структури емитуваат штетна енергија и вибрации. Овие негативни зрачења најчесто можат да се сретнат на места каде се воделе војни, на места каде постоеле логори, затвори (поради мачења, убиства и самоубиства), во болници и станови (каде престојувале болни, страдале, трпеле болки, се плашеле...) и сл. Негативни зрачења можат да се појават и од уметнички предмети и накит, каде авторот пренесол дел од својата негативна енергија додека ги правел, или пак од долготрајни негативни психички процеси - како голема омраза, гнев, лутина и сл.
4. Технички зрачења ( како последица на работа на разни електрични апарати и уреди)
5. Негативни ментално-енергетски склопови (ги создаваат човековите негативни мисли и чувства)
6. Негативни енергетски програми (Магии, Чини), со цел да се наруши нечија енергетска структура, а со тоа и неговото психофизичко здравје. Тоа се свесно направени програми со цел да предизвикаат негативни процеси кај поединци или повеќе луѓе. Со одредени ритуали, злобниот човек се доведува во таква состојба (ниски мозочни бранови и изменета Свест) да може да ангажира или создаде негативна енергија.
7. Негативни енергетски структури во Аурата (се создаваат како резултат на подсвесна реакција)
8. Емотивни лузни (последица од доживеани големи стресови)
9. Негативни енергетски полиња.
Тоа се енергетски структури врзани за поединецот уште при неговиот зачеток и со самото раѓање. Тоа се негативни енергии кои резултираат од многубројни непријатни случувања за членовите на семејството, пратени со стресови и негативни чувства и мисли. Таквите негативни енергетски полиња се пренесуваат со зачетокот, како „кармички долг“.
Секако дека постојат уште многу фактори, но овие се најосновните на кои е пожелно да обратиме внимание.

 ***

За повеќе, прочитај на линкот од овој блог: СВЕСТ, СВЕТОВИ И МОЌИ:

http://petar-luka.blogspot.com/2012/08/3.html

Моќта на подсвеста - 1 дел

ВОВЕД:  Веќе научно е докажано дека нашиот мозок емитува електромагнетни бранови со различна бранова должина, во зависност од нашите мисли и внатрешните психички состојби. Овие електромагнетни бранови можат да се регистрираат со соодветни мерни инструменти, слично како што радиото или тв-приемникот ги регистрираат емитираните електромагнетни бранови од предавателите, а со подесување на  фреквенцијата можеме да бираме разни станици кои ги слушаме или гледаме.

 Радарот истотака емитува електромагнетни бранови, сончевите зраци имаат електромагнетна природа, а најквалитетната топлотна енергија се добива од термички уреди чија конструктивна изведба ни овозможува доминантен пренос на топлина со зрачење.

Но дали можеме да ги регистрираме и подесуваме електромагнетните бранови кои ги емитува мозокот?. Одговорот е позитиен, но треба да знаеме како тоа треба да го правиме.

СУШТИНА - Ако јасно ја замислиме својата цел и ја почуствуваме како реалност, чудотворната потсвест ќе ни обезбеди се што ни е потребно за да се оствари таа цел. Потсвеста ќе ја материјализира секоја ментална претстава создадена во свеста и втемелена врз вербата.

Препораки за користење на моќта на Потсвеста:
1. Направете точно определен план за внесување на своето барање или желба во потсвеста. Замислете ја посакуваната цел и потрудете се да ја почувствувате како реалност. Бидете упорни во тоа и резултатот нема да изостане. Се што ќе почувствувате како реално и во мислите ќе наредите да се оствари - навистина ќе се оствари.
2. Откријте ја вистинската природа на верата. Имајте на ум дека верата е мисла создадена во умот и дека човекот го создава она и само она што ќе го создаде во својот ум.
3. Применувајте ја молитвата и почувствувајте ја моќта на терапијата со молитва. Одберете идеја или ментална претстава која ви одговара. Соединете се мисловно и емоционално со таа идеја и ако останете верни на таквото ментално гледиште, молитвата ќе биде исполнета. Желбата е молитва. Предочете си себеси исполнување на желба, почувствувајте го тоа како реалност (наспроти можните докази во прилог на спротивното),  и желбата ќе ви биде исполнета. Притоа, одбегнувајте каква било принуда или умствен напор при молитвата. Дозволете да ве обземе сонливост и успивајте се со уверување дека молитвата ќе ви биде прифатена.
4. Секогаш имајте на ум дека моќта на потсвеста можете да ја освоите исклучиво со помош на верата, односно со спознавање на начинот на дејствување на сопствениот свесен и потсвесен ум. Верата доаѓа само со разбирање а потсвеста дејствува врз основа на нашите силни желби, молитва и верба (без постоење на билокаков сомнеж).
5. Експериментирајте со самите себеси се додека лично не се уверите дека бесконечната интелигенција секогаш непосредно реагира на секоја свесна помисла. Затоа чувствувајте радост и спокојство, претчувствувајќи сигурно остварување на саканата цел.
6. Наредете и на потсвеста да го пронајде одговорот за проблемот што ве мачи. Правете го тоа секогаш пред одење на спиење и одговорот нема да изостане. Потсвеста работи непрекинато, 24 часа на ден.
7. Негативните мисли го попречуваат остварувањето на животните обрасци на потсвеста. Водете сметка за своите мисли. Секоја мисла прифатена како вистинита, мозокот ја упатува во соларниот универзум, од каде има само еден чекор до нејзината материјализаија.
8. Ваше е да се занимавате со свеста, но и да ја храните потсвеста со вистински ставови. Потсвеста секогаш го репродуцира вашиот вообичаен начин на мислење.
9. Нормално е да се биде здрав. Не е нормално да се биде болен. На секој од нас му е вроден принципот на хармонија. Мислите полни со љубомора, страв, грижа и потиштеност ги разоруваат нервите и жлездите и носат душевни и телесни болести од сите видови.
Се што ќе потврдите свесно и ќе го почувствувате како вистинито ќе се материјализира во вашиот ум, тело и во деловните активности. Мислете позитивно и отворете си ја на себеси вратата на хармонијата во животот.
10. Имајте на ум дека секој проблем има решение. Не грижете се премногу за здравствените проблеми кои ве мачат. Потпрете се на потсвеста и потсетувајте се доволно често дека бескрајната интелегенција презема се што е потребно. Чувството на здравје раѓа здравје, чувството за богатство раѓа богатство.  Замислувајте добро и позитивно. Човекот е она што замислува дека е.
11. Во состојба на сонливост, избегнувајте го судирот на свеста и потсвеста. Непосредно пред спиење замислувајте како ви се исполнуваат желбите. Бидете упорни во тоа. Заспивајте во мир и будете се во радост.
12. Свеста и потсвеста мора да воспостават соработка. Потсвеста го усвојува само она што навистина го чувствувате дека е вистинито. Вметнете ги во потсвеста мислите за напредок, среќа, богатство и успех и ќе го добиете тоа .
13. Никако не би сте смееле она што во еден момент го тврдите свесно, веќе по неколку мига мисловно да го оспорите. Со тоа само го неутрализирате ефектот на позитивното тврдење.
14. Зависта и љубомората се основните пречки за настанување на богатството. Радувајте се на благосостојбата на другите. Пречката за стекнување богатство се наоѓа во вашиот ум. Срушете ја пречката мислејќи за сите околу вас на позитивен начин.
15. Не дозволувајте парите да бидат единствената и исклучителна цел. Стремете се кон здравје, среќа, душевно спокојство и искрен израз на љубовта, а на своите ближни дарувајте им љубов и добра волја. Дури и во тој случај потсвеста ќе ви обезбеди напредок на сите полиња на вашето интересирање.
ПС. Темата е опширна а просторот ограничен за пошироки образложенија.

Моќта на подсвеста - 2 дел

     Во првиот дел на „Моќта на подсвеста“, преку воведот, суштината и препораките, навлеговме во тајните и методите за нејзино користење, со посебен осврт на значењето на сознанијата за улогата на подсвеста во нашиот живот.
Во овој дел, во послободна форма, ќе се обидам да изнесам уште неколку корисни размислувања и совети....
     Ако научиме како да ја препознаеме и да ја ослободиме скриената моќ на сопствената потсвест, ќе успееме да постигнеме спокојство, хармонија и успех во сите свери на животот. Успешниот човек не е себичен. Неговата најголема животна желба е да им помага на луѓето. Успешниот човек има огромно психолошко и духовно разбирање, и секогаш е свесен дека нема вистински успешен развој ако не постигне душевен мир и спокојство.
     Имај на ум дека секој проблем има решение а потсвеста тргнува во матерализација на идејата само ако си потполно опуштен и дозволиш таа идеја да биде целосно усвоена, без никакви сомнежи за нејзината реализација.    
     Законот на акцијата и реакцијата е универзален. Мислата претставува акција додека автоматскиот одговор на потсвеста е - реакцијата.  Затоа внимавај на своите мисли. Со потсвеста не смееме да си играме. Какво што е нашето барање (позитивно или негативно), такво и ќе го прифати нашата подсвест - и ќе се стреми кон негово реализирање.      Мораме да сватиме дека моќта на потсвеста сите ја поседуваме, неа не ја стекнуваме, но мораме да научиме правилно да ја сваќаме и употребуваме во сите свери на животот. Постојат безброј примери во животот каде несвесно сме ја употребиле моќта на потсвеста и сме предизвикале несреќи или неуспех - кај себе или кај своите блиски. Секоја фрустрација се темели врз неостварена желба, нанесена неправда или неоправдан страв дека ќе се случат лоши работи. Ако им посветуваш премногу вномание на пречките, стравот и неостварените желби, и ги одлагаш проблемите кои треба да ги решиш, ќе настапи соодветна негативна реакција на потсвеста, а со тоа ќе работиш против сопственото добро.
     Затоа, за да ги отврлиме негативните мисли, да не мислиме на лоши работи кои можат да се случат, да се ориентираме кон позитивните мисли, голема желба за нивното остварување и силна верба и надеж дека нашите позитивни мисли и барања ќе бидат остварени. Но за успешна реализација на моќта на потсвеста, најтешко е да се постигне силна верба и надеж дека нашата желба ќе биде успешно остварена. Верниците, независно на која религија и припаѓаат, со молби и молитви полесно ќе ја постигнат вербата во реализацијата на нивните желби, иако се молат на разни светци, пророци и божества. Но вербата и молбата се универзален патоказ кон приодот на повисоките форми на свест и силите кои владеат и управуваат со универзумот. Постојат законитости во универзумот и сили од повисок ред кои делуваат скриено и неразбирливо за нашата ниска форма на свест. Највисоката сеопфатна сила ја нарекуваме Створител (Бог, Апсолут, Креатор на све видливо и невидливо, и сл.), кој е извор на сите светски сили и највисок степен во низата на управувачки сили. Потсвеста е нашата врска со повисоките форми на свест и управувачките сили преку кои таа се реализира, а врската меѓу нас и подсвеста е мислата. Затоа мораме да внимаваме на своите мисли. Нашиот мозок комуницира со самиот себе - без да сме свесни за тоа, а информациите за кои не сме свесни ќе оформат некоја целина која преку подсвеста ќе побара нејзина реализација. Значи моќта на подсвеста сите ја поседуваме, но мораме да научиме правилно да ја сваќаме и употребуваме во сите свери на животот.
   Човекот свесно размислува, формира свои погледи, ставови и заклучоци кои произлегуваат од перцепцијата на реалниот свет, но сето она што го размислува се слева во потсвеста која е творечка сила и управува со личноста. Ако размислуваме позитивно, се случуваат добри работи, а ако човекот има лоши мисли - ќе следуваат лоши случувања. Кога подсвеста ќе усвои некоја замисла, одма тргнува кон нејзина реализација - независно од тоа дали се реализира добра или лоша мисла. ЗАТОА ВНИМАВАЈТЕ СО ПОДСВЕСТА !

Материја, Енергија и енергетски потенцијал на човекот

Со развојот на научната мисла и појавата на Tеорија на релативитетот (Ајнштајн), се доаѓа до сознание дека материјата и енергијата се две појавни форми на иста стварност. Меѓу материјата (маса и облик на физичките тела) и енергијата (која не мора да има маса и облик, но има физички особини), постои цврста врска на еквивалентност и истите можат да преминуваат една во друга - материјата во енергија и енергијата во материја (при процесот на создавање или материјализација). Всушност, тоа е материјалот од кој е изградена природата и целата вселена.
  
Затоа, МАТЕРИЈАТА наједноставно би ја дефинирале како истовремена манифестација на маса и енергија во време и простор. Овде мораме да имаме во предвид дека материјата не може да постои без движење и таа секогаш е  во состојба на стално непрекинато движење и промени.
  
Се што постои - вибрира, а постои како вибрација или како резултат на вибрација. Материјата и енергијата се една иства стварност, и само фреквенцијата на вибрирање е одлучувачка дали ќе биде во спектарот на материјата или во спектарот на енергијата. Тој премин меѓу енергијата и материјата, тој граничен мал преоден опсег на вибрации, е квантна инстанца, квантно ниво на стварноста, мембрана меѓу двете појавни форми на истата стварност.
   Но, што е Квантно ниво и Квантна енергија?.
Квантна енергија е најмалата можна зрачна енергија при електромагнетното зрачење (радијација).Таа е најмалата количина на физичката стварност која може самостојно да постои. Сe што прво се одвива, се одвива на квантно ниво. Сите творби од кои е изградено сe останато, најпрво постојат на квантно ниво. Такви творби се на пример фотоните со кои се објаснува зрачењето на црното тело или фотоелектричниот ефект, потоа неутрино-честичките (кои се ослободуваат при атомска фисија), како и други дискретни најмали „пакети“ на енергија и материја.
 
    Таква најсуптилна творба (и материја и енергија) е и АУРАТА на живиот свет, во која се влева и енергијата од универзалното енергетско поле, како и аурата на околниот жив свет.    Ваквата сеприсутна енергија е позната во сите култури и цивилизации, но под различни имиња: Космичка енергија, Свети Дух, Животни етер, Светлосни етер, Чи, Прана, Мана, Органска енергија, Анимални магнетизам, Биоплазма и др.
   
   Човекот, како дел од живата природа, истотака е енергетско битие во кое постојано течат многу енергетски процеси од кои зависат сите функции на организмот. При застој на енергетските токови во одредени делови на телото, се јавуваат и првите знаци на болеста. Падот на животната енергија предизвикува проблеми со здравјето кои се манифестираат како замор, недостаток на енергија за секојдневните активности и на крај заболување на органот чии енергетски токови се прекинале. Енергетскиот капацитет на човекот зависи од нашиот прием на универзалната енергија која е секаде околу нас и од енергијата која ја создава самиот организам.
    Мозокот е високоенергетски орган кој троши повеќе од 20% од кислородот и шеќерот кој го зема организмот. Притоа произведува енергија која може да се регистрира со мерни инструменти ( EEG). Менталните процеси тешко можат да се регистрираат со технички инструменти, но човекот е најсовршен инструмент и постојат многу докази  за моќта на сложени и необични ментални активноси: телепатија, видовитост, исцелување, екстрасензорни искуства и сл.
    Секоја жива ќелија создава енергија за својот опстанок и функционирање. Мускулатурата на срцето создава енергетски импулси кои предизвикуваат контракции на срцевиот мускул, со прилагоден ритам и фреквенција според потребите на организмот.
   
   Но, сите овие создадени енергии од човечкиот организам, не се доволни за нашиот опстанок и функционирање, ако не постои универзалната енергија која не опкружува како медиум во кој сe се случува и постои.Оваа енергија е во нас онолку колку сакаме и можеме да ја примиме. Позитивните мисли, чистата душа, добрината, желбата да се помогне во границите на своите можности, како и останатите благородни човекови особини, овозможуваат зголемување на нашиот енергетски капацитет и отворање на вратите за прием на позитивната енергија од средината. Оваа енергија ни овозможува ускладување на енергетските токови во нашиот организам, надминување на болестите и стекнување на моќ за сложени и необични ментални активноси.

Суштината на мудроста КАБАЛА

   Корените на Мудроста Кабала потекнуваат од пред повеќе од четири илјади години, од времето на стариот Вавилон. Оваа древна мудрост, иако со векови била интерес на познати научници и филозофи од многу земји ( Њутон, Лајбниц, Нострадамус, Пикадела...), нејзината суштина била тешко разбирлива и најчесто неправилно толкувана.
Науката Кабала не зборува за нашиов свет, таа зборува за Виша сила - Створител, и управувачки сили кои се спуштаат од таа виша сила во нашиов свет. Тешко е да се разбере невидливото, она што не можеме да го осетиме или вкусиме. Но со овој текст, ќе се обидам да ја поедноставам суштина на Кабалата, за да можат да се разберат основните филозофски погледи на оваа силна филозовска и животна мудрост.
Постоиме во овој свет создадени од некоја виша сила која ја нарекуваме Створител. Нам ни се познати многу сили и енергии во нашиов свет: гравитацијата, електромагнетизмот, силата на мислите, сончевата енергија, атомската енергија и др. Меѓутоа постојат сили и од повисок ред кои делуваат скриено. Највисоката, сеопфатна сила ја нарекуваме Створител, кој е извор на сите светски сили и највисок степен во низата на управувачки сили.
Кабалистичката наука не го изучува нашиов свет и луѓето во него (како традиционалните науки), туку таа изучува се што се наоѓа над Масах (преграда која го дели овој од горниот свет).
Оваа мудрост претставува збир на последователни извори (корени), кои според фиксни сеприсутни закони, по принципот „причина и последица“ ,се спуштаат одозгора и се спојуваат во единствена возвишена цел - разоткривање и спознавање на највисоката Управувачка сила.
Се додека личноста во потполност не ја разоткрие оваа сила, се додека не ги запознае сите светови по кои треба да се искачи (потчинувајќи се на истите закони како и силите кои се спуштаат), и се додека поединецот не го достигне светот на Бесконечното, таа личност ќе продолжи да се раѓа во нашиов свет, развивајќи се од живот во живот додека не дојде во состојба на спознание и достигнување на вишите сили.
Науката Кабала има единствен начин на кој ни се обраќа на сите нас. Не зборува за ништо апстрактно, туку само за начинот на кој сме создадени и како функционираме на повисоките нивои на подсвеста. Еден нејзин дел зборува за спуштањето на вишите сили кои доаѓаат од светот на Бесконечното. Светот на Бесконечното е наша почетна состојба во која постоиме како посебен, единствен систем на души кои меѓусебно се поврзани.
После тоа учиме за низата светови кои следат после светот на Бесконечното, за начинот на кој тие се спуштаат во нашиов свет во кој живееме.Многу кабалистички книги имаат пишувано за тоа, почнувајќи од книгата со наслов Sefer Yetzira (Книгата на Создавањето) која ја напишал Аврам Патријархот пред 4000 години, потоа книгата Зохар, пишувана во вториот век од нашата ера, и многу други.
Сите кабалистички извори ја опишуваат структурата на вишите светови, начинот на кој тие се спуштаат и ги создаваат ниските светови. Исто така опишуваат како настанал нашиот свет, вселената, нашата планета и како се развил нашиот живот. Учејќи за тоа како е направен тој систем и како се спушта во нашиот свет, Кабалата ни овозможува да ја совладаме методата на влегување во истиот тој систем и понатаму како со него да владееме.
Најприкладни сознанија за Мудроста Кабала можеме да добиеме од книгата „Студија за Десете Сефироти“ (Talmud Eser Sefirot) од Yehuda Ashlag, која содржи прашања, одговори и прилагодени текстови погодни за сваќање на суштината на мудроста и нејзината корист за човековото битие. Оваа книга всушност е физика на повисоките светови, и ги опишува законите и силите кои управуваат со универзумот.
Науката Кабала не се знаимава со животот во овој свет. Напротив, со проучувањето на овој систем ќе бидеме на крај на нашето издигнување од овој свет. За време на издигнувањето, Кабала гради систем внатре во човекот, кој е ист како и вишиот систем. Овој систем почнува да се организира и манифестира во личноста која сака да ги достигне повисоките форми на свест и навлезе во вишите светови. Како што од капките на човечкото семе може да се развие човечко суштество и постепено расте во возрасна, зрела личност, така и науката Кабала ја развива нашата желба за досегнување на повисоките нивоа на постоење.

***

Ние егзистираме во свет со ниска форма на свест. Кабалата не упатува кон сознанијата за повисоките форми на свест, законите и силите кои управуваат со универзумот, структурата на вишите светови, совладувањето на методите за навлегување во вишите светови и владеење со нив, како и нашата корист од тие сознанија.

***

             Централна точка околу која се движи целата филозофија на мудроста Кабала, е комплексниот симболички дијаграм „ДРВОТО НА ЖИВОТОТ’’.  Дрвото на животот е дијаграм на постоечките космички снаги – како во макрокосмосот, така и во микрокосмосот (човекот) и неговите односи.